• ×

04:46 صباحًا , الإثنين 19 ربيع الثاني 1441 / 16 ديسمبر 2019

وضح النهار

زيادة حجم الخط مسح إنقاص حجم الخط


القهر شيء نحسه / ونحـتاجه اكيـــد = والتمعن به غرابه/ وثوره و انبهــار
ولو وجودك يالقهركان/ ماكان القصيد= ينتثر مني ويسقي / رصيف الانتظار
المـجيـد الـلـه ولـكن / انـا عبـدالمـجيـد = وكون اني عبدللّه / فـ انا بـعز ووقار
ياقـصيـدي مـايفلـك/ حديـد ٍ من حديـد= ولايهزك غير ظلم ٍ / وطى ثم استجـار
والغشيم اللي تحـاكا/ بـ عمـه لو يزيـد= حاشي ٍ فمه بعظم ٍ / ومسقيه المرار
لني ابعد في سكوتي / وأيمائي بعيد= عن سفاف امر ٍ معلق / بـ نردين القمار
ولني اطهر من كلام ٍ / عسى عمره مديد= غاسـل ٍ منـه يدينـي / برمـل ٍ له غبـار
ولني اصدق في حروفي / وانا ضد وضديد= ولو غلط بي شخص واهم / ابادر باعتذار
شـاعـر ٍ وده بشـعره .. يـسـوي طـي قيـد= لـ ن شـعـره مالقـى فيـه/ حـس ٍ مـستـعـار
شـاطر ٍ بـس فيـه عـيـب ٍ/ يـحـس انـه بـلـيـد= ثــلــج لاكـنــه يـقــاوم/ بــ بـارود ٍ ونــار
يـوم ابـوه يـورثــه طــيـب/ ماقـالـوا جديـد=ويوم يسوق الطيب لـ ابنه/ عليه الكل ثـار
مـارد ٍ مـاورث الـشـعـر/ قـي ٍ مـع صـديـد=جن في حرفه مزايـين/ فكـره واستــخـار
يوم يجعل سادة الحرف/ بعيون العبـيـد= اصغر امن الحرف نـفـسـه / بـعيـن الاعتـبـار
اعـتـرف انـي مـع الحـب / سّيـد ٍ ضـد سيّـد= واصدق احساس ّ نثرته / على صوره واطار
ليت منهو مع هوى القلب/ يامبارك وحيد=لـ افـرش ظلـوعي بدربه/ مثـل سكة قـطـار
جـادل ٍ مالـوعت بـي/ وخلـتـنـي شـريـد= ولاخذت فينـي مـع الهـجر/ ميثـاق وقـرار
تـعـلـم انـي كـل مـاحـن/ قـلبي للنشـيـد= انـــهـا سـبـة لـجـوئـي/ لـفـن الابــتـكـار
ياوجودي وجد منهو على خط (العديد) = مقفي ٍ عن لابة ٍ له / بـ حـسره وانكســار
يوم ينخى مالقى الا / مزامير الوعيــد= تحتفل في كل حرف ٍ/ وتعزف به (قتار)
جرعوه الظلم ماشاف / منهم يوم عيد=واهـدروا دمه وكـنـه /مـطارد بـ ألـف ثـار
علموه وربـي اعلـم/ وعلـم اللـه اكيـد = انه الـمظلوم جـهـراً/ وفـي وضّح النـهـار


الشاعر علي بن أحمد الجاسم آل بوعينين

بواسطة : admin
 0  0  1.3K