• ×

06:52 صباحًا , السبت 10 ربيع الثاني 1441 / 7 ديسمبر 2019

في عالم السبع العجاب

زيادة حجم الخط مسح إنقاص حجم الخط

في عالــــم السبع العجاب=لازم تــــهاجم بانـسحــاب
ولازم تـــعرف ان البــشر=مردهم تــحت الـــــتراب
اقـــرى من العين الكــلام=واشعل من الحرب السلام
اضوي من رموش السفر=شمعه لاجــل عــين الظلام
اغضب ولـــكن لا تثـــور=اثقل ولا تعــيش الـــغرور
وافهم من الدنيـــــا عــبر=في كــتم وافصاح الشـعور
اعشق ولا تغدي ضعيف=الحــب لــه دربٍ وكــــيف
كم عاشقٍ قبلــك خـــســر=الــــي تبــع قلـــبه كــفيــف
اشـــري ولـــكن لاتبيــــع=من ضـــيع اصحابه يضـيع
لـــــو دام ريــــان النـــهر=ما دامــت ايــــام الربـــيـع
لا تنسجم في الغـرب زود=تنســى حضـــارات الـجدود
في دربـــهم تلـــــقى حفـر=تغــــــدى بهــــا لله كـــــنود
والطيب له ارض ومحــل=كالشــهد في عيـــن الـــنحل
ولـو تــغرق الدنــيا مــطر=مـا تــنزرع ارض الـــوحـل
ابـني لك مـــن العـز بيــت=واشــكي لربــــك لا شـكيــت
كرامــتك اغلـــى الــــدرر=حــافـــظ عليــها ما حيــيــت
واعرف بانك فـي اختبـــار=مابــه عــن الــخالـق فـرار
وان عشت من عمرك دهر=فـي الاخــره جــنه ونـــــار

الشاعر / جبر بن سالم بن عبدالرحمن السالم آل بوعينين

بواسطة : admin
 0  0  811