• ×

10:22 مساءً , الأحد 28 ذو القعدة 1438 / 20 أغسطس 2017

الشاعر مبارك بن علي العيوني

الشاعر مبارك بن علي بن عبدالله العيوني آل بوعينين :

ولد في الوكره بقطر ثم انتقل إلى الجبيل عام 1347هـ ، وتوفي رحمه الله في عام 1370هـ . وله الكثير من القصائد التي امتازت بجزالة المعاني وصلابة الأبيات وتناسق القوافي ومنها :

يالله يا عـالـم خفايا اسـرورهـا=يا مـالك الدنيـا ووالي أمورهـا
يارازق الأدباش من بـارق الدجـا=ضـامن مكاسـبها على قدر زورها
لك الحمد يا معبود والشـكر والثنـا=على كل حالٍ مع صفاهـا اكدورها
تلطف بحال اللي فـلا سـواك يرتجي=غيرك إذا جـا من الليالي امرورهـا
وخلاف ذا دنيت ما تطوي الـمدى=سـفينةٍ تدنـي بعـايد ابـحورهـا
حمراً جديدة لـوح يعجبك سـيرها=بالعود قافيهـا الـهواء من ادبورهـا
ويقول في قصيدة أخرى لـه :
بـدا القيل من لافي معانيـه حايـر=إلى عد ونـخصـه وجيه المسـافير
من كوكب فـوّار بين الضـماير=غـدران وديانـه بلـيّا صـواديـر
أحلى مـن السـكر ودر العشـاير=يرعـن قفـار مسـمنات أباكيـر
إلى قوله:
ألايفٍ وان شـافت الـراس دايـر=حنّت كما حن الضـوامي على البير
كرام النضـا قودٍ سـلايـل هرايـر=عشـرٍ رعن بحيال عشـرٍ مذاخيـر
لا قفن كما جول القطـا فر طـاير=من قصـر عينين أومـيٍ على خيـر
وله هذه الأبيات القوية من قصيدةٍ له يدحض بـها حجج خصومه ويهنيء بـها الشيخ سلطان بن راشد الراشد آل بوعينين ، حيث يقول :
قـال العيونـي في جوابـه تـمثل=دارت لـوالب ضـامري بالتماثيـل
والدمع من عيني على محجري هـل=كنـه يركز في هدبـها سـماليـل
ويـلاه يـاوقتٍ علينــا تبـدل=طيور الشـوامي عقبتهـا البلابيـل
خسـران يامصـقر لمقناصـه أشول=ما قد ذكر للصيد حاشـا ولا قيـل
يذكر عجـوزٍ في زمـان السـمؤل=من بـخلها شـحت على النار بالنيل
يـا ناشـدٍ عنـي فليـاك تسـأل=صلبـي المحمّد يا غشـيمٍ هل الحيل
ربعٍ إيـلا كـدر سـماهم وظـلل=فهودٍ إذا صـكت عليهم مـحابيـل
مثل الفحل سـلطان ليقـال يفعـل=أبو مـحمد ملتقـى للمشـاكيـل
ليت الـملك يومـه علينـا تفضل=انكم على أمـواج البحر كالكيابيـل
مع دورة الكشـاح شـهرٍ مهلـل=غربي تزايقـه البروق الشـواعيـل


 0  0  1.1K  06-05-1436 11:05 مساءً